از منظومه حیدربابا

۲۴ اسفند ۱۳۹۰کد خبر: 41832۵

بایرام ایلی چارداخلاری ییخاندا/ نوروز گولی، قارچیچکی، آچاندا

بایرام ایلی چارداخلاری ییخاندا نوروز گولی، قارچیچکی، آچاندا آغ بولوتلار کوینکلرین سیخاندا بیزدن ده بیر یاد الین ساغ اولسون دردلریمیز دیکلسین، داغ اولسون بایرامیدی، گئجه گوشی اوخوردی آداخلی قیز بیگ جورابین توخوردی هر کس شالین بیر باجادان سوخوردی آی نه گوزل قایدادی شال ساللاماق بیگ شالینا بایراملیغین باغلاماق! شال ایسته دیم منده، اوئده آغلادیم بیر شال آلیب، تئز بئلیمه باغلادیم قاشدیم شالی ساللادیم غلام فاطما خالا منه جوراب باغلادی خان ننه می یادا سالیب آغلادی بایرام اولوب، قیزیل پالچیق ازللر ناقیش ووروب، اتاقلاری بزللر دوزمه لری تاقچالارا دوزللر قیز گلینین فندقچاسی، حناسی قایناناسی هوسله نر آناسی باکی چی نین سوزی، سووی، کاغیذی اینکلرین بولاماسی، آغوزی چر شنبه نین گیردکانی، مویزی قیزلار دییر:« آتیل ماتیل چرشنبه آینا تکین بختیم آچیل چرشنبه» حیدر بابا، ننه قیزین گوزلری رخشنده نین شیرین شیرین سوزلری ترکی ددیم اوخوسونلار اوزلری بیلسینلر کی آدام گدر آد قالار یاخشی-پیسدن آغیزدا بیر داد قالار حیدر بابا، آغاجلارون اوجالدی آمما حییف جاوانلارون قوجالدی توخلیلارون آریخلییب، آجالدی کؤلگه دوندی، گون باتدی، قاش قرلدی قوشلار گوزی قارانلیقدا برلدی حیدر بابا، دونیا یالان دونیادی سولیماندان، نوحدان قالان دونیادی اوغول دوغان، درده سالان دونیادی هر کیمسیه هر نه وریب آلیبدی افلاطوننان بیر قوری آد قالیبدی

اشتراک‌گذاری:لینک کوتاه: https://azarsh.hozehonari.ir/s/LJM8QLV

نظرات

در حال بارگذاری…

منبع: azarsh.hozehonari.ir