یالان دونیا

 
یالان دونیا

سنین بهره ن یئین کیمدیر؟ کیمینکی سن؟ ییه­ن کیمدیر؟ سنه دوغرو دئین کیمدیر؟ یالان دونیا، یالان دونیا!   سنی فرزانه لر آتدی قاپیب، دیوانه لر توتدی کیمی آلدی، کیمی ساتدی ساتان دونیا، آلان دونیا   آتی ازل داغا سالدیق یورولدوقجا دالی قالدیق آتی ساتدیق، اولاغ آلدیق یهر اولدی پالان دونیا

بیری آینا ، بیری پاس دیر
بیری آیدین، بیری کاس دیر
گجه توی دور، گونوز یاس دیر
گول آچدیقجا، سولان دونیا

ایگیت ارین باشین یئیه­ن گوجالار بوزباشین یئیه­ن قبیرلرین داشین یئیه­ن اُوزو یئنه قالان دونیا!   نه قاندین، کیم گول اکن دیر؟ کیم قیلیج تک قان توکن دیر؟ تیمور هله کوره کن دیر چنگیز جانین، آلان دونیا   یامان قورقو! ییغیلایدین! طوفانلاردا بوغولایدین! نه اولایدی بیر داغیلایدین بیزی درده سالان دنیا   چاتیب، سندن کوچَن کچدی اجل جامین، ایچن کچدی اولان اولدو، کئچن کئچدی نه ایستردین اولان دونیا   بوغولایدین، دوغان یئرده دوغوب خلقی بوغان یئرده اوغول نعشین اوغان یئرده آنا زولفون یولان دونیا