گر چه بو ماتمده

گر چه بو ماتمده یاران اوز وئریب غم زینبه

لیک بو غمدن تسلّی وئردی عالم زینبه

اوندا کیم جام شهادت نوش ائدیب شیر خدا

کوفه ده اوچ گون اولوندو مجلس ماتم بنا

وئردیلر صبر و تسلّی جمله قوم و اقربا

بو عزاده هم حسین بی کسه هم زینبه

عترت زهرا باشیندان معجر رنگین آچیب

بو عزاده باشینی اول زینب غمگین آچیب

همدم و هم درد اولوب سارا و مریم زینبه

آه! حالی ائیله رم من فیکریمی هر صبح و شام

کربلاده بس ندن بو زینب والا مقام

یئددی قارداشین عزاسین دوتمادی بیر گون تمام

وئرمه میشدی اوز بئله حال و بئله غم زینبه

ائیله دی کرب و بلاده شمر هر ظلمین عیان

وئرمه ییب اول نامسلمان زینبه بیر دم امان

تا دوتا ماتم حسینه زینب بی خانمان

اولدو بو غم حشره دک اسباب ماتم زینبه

رونق عالم پوزولدو چون شهید اولدو علی

زینب کبری گلیب فریاده با صوت جلی

گرچه زینب سینه سی بو آیدا داغلاندی ولی

بیلمیسن نه اود ووروب «لعلی» مُحرّم زینبه

شعر از حکیم لعلی