خان ننه

خان ننه هایان دا قالدین بئله باشیوا دولانیم نئجه من سنی ایتیردیم! داسنین تایین تاپیلماز   سن اؤلن گون، عمه گلدی منی گتدی آیری کنده من اوشاق، نه آنلیایدیم؟ باشیمی اتیپ اوشاقلار نئچه گون من اوردا قالدیم.   قاییدیپ گلنده، باخدیم یئریوی ییغشدیریبلار نه أزون، و نه یئرین وار «هانی خان ننه­م؟» سوروشدوم دئدیلر که: خان ننه نی آپاریبلا کربلایه   که شفاسین اوردان آلسین سفری اوزون سفر دیر بیر ایکی ایل چکرگلینجه   نئجه آغلارام، یانیخلی نئجه گون ائله چیغیردیم که سسیم، سینم توتولدی   او، من اولما سام یانیندا أوزی هئچ یئره گئدنمز بو سفر نولوبدی، من سیز أوزی، تک قویوب گئدیبدی؟   هامیدان آجیغ ائدر کن هامییا آجیغلی باخدیم سونرا باشلادیم که: من ده گئدیرم اونون دالینجا دئدیلر: سنین کی تئز دیر امامین مزاری اوسته اوشاغی آپارماق اولماز سن اوخی، قرآنی تئز چیخ سن اونی چیخینجا بلکه گله خان­ننه سفردن   تله سیک، راوانلاماقدا اوخویوب قرآنی چیخدیم که یازیم سنه: گل ایندی داها چیخمیشام قرآنی منه سوقت آل گلنده آما هر کاغذ یازاندا آقامین گؤزی دولاردی سنده کی گلیپ چیخمادین نئچه ایل بو انتظارلا گونی، هفته نی سایاردیم تا یاواش ـ یاواش گؤز آچدیم آنلادیم که، سن أولوبسن!   بیله بیلمه هنوزدا اوره گیمده بیر ایتیک وار گؤزوم آختارار همیشه نه یاماندی بو ایتیک لر   خان ننه جانیم، نولیدی سنی بیرده من تا پایدیم او آیاقلار اوسته، بیرده دؤشه نیپ بیر آغلایایدیم قولی حلقه سالمیش ایپ تک او آیاغی باغلیایدیم که داها گئدنمیه ایدین   گئجه لر یاتاندا، سن ده منی قوینووا آلاردین نئجه باغریوا باساردین قولون اوسته گاه سالاردین   آجی دنیانی آتار کن ایکیمیز شیرین یاتاردیق یوخودا (لولئی) آتار کن سنی من بلشدیرردیم گئجه لی، سوقیز دیر اردین گنه ده منی أوپردین هئچ منه آجیخلامازدین   ساواشان منه کیم اولسون سن منه هاوار دوراردین منی، سن آنام دؤینده قاپیپ آرادان چیخاردین   ائله ایستیلیک او ایستک داها کیمسه ده اولورمی؟ اوره گیم دئییر که: یوق ـ یوق او ده­رین صفالی ایستک منیم او عزیز لیگیم تک سنیله گئدیپ، تو کندی   خان ننه، أوزون دئییر دین که: سنه بهشت ده، آلله وئره جک نه ایستیور سن بو سؤزون یادیندا قالسین منه قولینی وئریپ سن   ائله بیر گونوم اولورسا بیلیسن نه ایسته رم من؟ سؤزیمه درست قولاخ وئر: (سن ایلن اوشاخلیق عهدین)   خان ننه آمان، نولیدی بیر ده من سنه چاتایدیم سنیلن قوجاقلاشایدیم سنیلن بیر آغلاشایدیم یئنیدن اوشاق اولور کن قوجاغوندا بیر یاتایدیم ائله بیر بهشت اولورسا داها من ئوز آللاهمیمدان باشقا بیر شئی ایستمزدیم